Good Moooooooooooorniiiiiiiiiiiiiiiiiiig Dosto
This is your host and friend
Jaane se pehle yeh hai mera aaj ka khayaal.
Un sab ke liye jo daude jaa rahe hai Shehar (city) mein,
Shehar ki daud mein daud ke karna kya hai,
Gar yehi jeena hai dosto to phir marna kya hai.
Pehli baarish mein train late hone ki fikr hai,
bhool gaye bheegte hue tehalna kya hai.
Serial ke kirdaro ka saara haal hai maalum,
par Maa ka haal poochne ki fursat kaha hai.
Ab ret (sand) pe nange pav tehelte kyun nahi,
ek so aat (108) hai channel, par Dil behelte kyun nahi.
Internet pe duniya se to touch mein hai,
lekin pados (neighbour) main kaun rehta hai jaante tak nahi.
Mobile, Landline sab ki bharmaar hai,
lekin jigri dost tak pahunche aise taar kaha hai.
Kab doobte hue Sooraj ko dekha tha. Yaad hai!
Kab jaana shaam ka guzarna kya hai!
To dosto shehar ki is daud mein daud ke karna kya hai?
Gar yehi jeena hai, to phir marna kya hai...........................
-------------From: Lage Raho Munna Bhai

Aaj hum kitne badal gaye hai, jeene ke saleeke kyun bhool gaye hai?
Pehle subah uth kar mata-pita ko pranaam karte the,
Aaj uthte hi fashion TV ke darshan karte hai.
Pehle hum dosto ko liye kuch bhi karne ko tayyar rehte the,
Aaj unhi se kyun dur (far) bhagte hai?
pehle baarish mein chath (terrace) par jaakar nav (boat) banate the,
Aaj ghar ki char diwari mein kyun band hai?
Pehle kuch dene se pehle kyun nahi sochte the hum?
Aur aaj apna fayeda kyun sochte hai hum?
kyun aaj apne logo ke upar pair (legs) rakh kar chalne ko tarakki (success) kehte hai,
jab ki unhi logo ne hamein sikhaya insaniyat kya hai.
pehle hum pyar ko mante hai, par aaj kyun use sex ka naam diya hai?
Pehle Mahabharat se Sunday ki shroowat karte the,
Aur aaj Baby Girl ko dekhkar khush hote hai.
Aaj desh, duniya tarakki kar rahe hai, par hum is tarrakki se bahut tez hi bhaag rahe hai.
Aaj desh bhakti, insaniyat, pyar, sachchai, vachan sab kitabon mein hi achche lagte hai.
Aaj Bapu aur Bahgat Singh deewaro par rehte hai,
2 Oct aaj Gandhi Jayanti nahi balki ek chutti (holiday) hai jis din log Bapu ko yaad karne ke alawa sab karte hai.
pehle log waqt milne par saath baithkar khana khate the,
Aaj chalte chalte logo ke muh (mouth) mein burger bhara rehta hai.
Aaj logo ke paas dene ko time ke alawa sab kuch hai.
Paisa aaj zindagi ki zaroorat poori karne ke liye nahi balki doosro ko dabane ke liye kamata hai.
Aise jeene ka kya matlab hai................................
Bas yehi sochta hoon ki, aaj hum kitne badal gaye hai, jeene ke saleeke kyun bhool gaye hai?
---------------------- Abdul ;)

Akela

Aaj Dil ne ek dard ko mehsuus kiya hai, yeh kya ho gaya hai mujhe ki aaj kuch achcha nahi lag raha hai? Kya hai aaj jiski wajah se main itna udaas hoon? In sab sawalo ke beech mein ghira tha to mujhe yaad aaya ki aaj main akela hoon. Yeh akelapan kya hota hai? Dekha jaaye to sab akele hi hai, par hum insaan hai na, hame hamesha se hi bhram mein rehne ki aadat hai. Hum apne aas paas ek aisa jaal bana lete hai ki jab uski asliyat saamne aati hai to hame lagta hai ki hum akele hai. Aur jis jaal ki main baat kar raha hoon woh hai rishton ka jaal. Aaj insaan kitne rishto naato se ghira hua hai. Ek pal lagta hai ki sab uske apne hai to duje pal koi nahi, hai koi nahi jo usko bataye ki who kaun hai aur uske saath kin kin logo ki khushi judi hui hai. Rishte rakhne mein koi burai nahi hai, par hum jab kisi rishto se zyada expect karne lagte hai to problem aa jaati hai. Well ek jo rishta hai jiske baare mein koi galat nahi keh sakta aur jo sabse upar aur sabse pure hai, woh hai ek Maa ka pyaar. Bachche bhale hi kaise ho lekin who pyar kabhi selfish nahi hota. To agar hum apne aap ko akela samajhte hai to yeh jaan lijiye ki hamein kabhi kisi cheez se dukh nahi hoga. Dukh, takleef insaan ki kamzori hai. To jab kabhi akela mehsus karo to isse dukhi hone ke bajaye use apna strong point banao aur jisne yeh seekh liya woh life mein bahut aage jaayega. Who kehte hai na ‘Ki sab Moh Maya hai’, it is a fact. Hum akele hi aaye the aur akele hi jaayenge, jab tak hai tab tak khushi paane ke bajaye khushi dene ki koshish karo……………… Dukh to kabhi saath nahi chodega to isliye uspe aur dukhi hone ka koi fayeda nahi hai.
GOD bless you All ……………………..[:)]