Kya achche Din the woh jab main khoob aish kiya karta tha 10-12 ghante office mein rehta kaam 5-6 ghante ka baaki timepass kiya karta ;-)
jaane kaha gaye woh Din... kitne maze kiya karte the, Chennai ki us Campus mein......
Wahi subah 6 baje office aana aur shaam ko 6 baje ghar jaana,
woh bus ki bheed mein khade rehna, woh Tallu logo ke sir se chameli ke tel ki smell aana,
woh barish ki ek boond ko tarasna, woh ped ki thodi cho ke liye dekhna,
woh hamesha shower ke neeche khade hokar thande paani ka anand lena,
woh paseene se body ka hamesha nahate rehna,
woh weekend pe bahar nikalne se ghabrana, khana order kar le yehi sochna aur phone ghumana,
woh baarish ko dekhkar chat par jaana aur jab tak thand na lage paani mein bheegte rehna,
woh barsaat ho to sadak par paani bhar jaana, paani ke saath drainage ka paani mil ke mast smell aana,
woh office mein roz dhoom machana, kaam ke saath masti bhi karna,
woh manager ko dekh achche bachche ban jaana aur chat window minimise kar dena,
woh galat time pe dosto ka IM pe ping karna aur manager ka tirchi nazar se humko dekhna,
woh sochna ki aaj kiske saath chat ki jaaye aur dekhte dekhte dheer saari IM window khol lena,
woh office ke AC ke maze lena aur kehna 'hum to aise hi aish karte hai'
woh ghar jakar dosto ko din ka haal sunana aur kuch baatein masale lagakar batana,
woh khana banane ki koshish karna, achcha na bane tab doosro ko zyada khilana,
woh hafte mein ek baar ghar phone karna aur girlfriend ko roz sms aur call karna,
woh dosto se mahine ke pehle hi keh dena ki jeb kadki hai, wahi apne liye mast shopping karna,
woh har hafte movies dekhne jaana aur weekend raat ko dvd's lana, kabhi comedy to kabhi adult,
woh alag hi independent life ka maza lena, na koi rokne wala na koi tokne wala,
phir bhi in sab ke baad apne Dil mein ghar walo, dosto ke liye pyaar, Managers ke liye galiyan,
Sochte hai bahut kuch karna life mein aur planning karna,
But jo life hum jee rahe hai us par pehle thanks karna aur sab ke saath mil kar chalna...
Sabko yehi hai advice meri, sada khush raho yeh dua hai meri,
ho tum Chennai mein ya Delhi, sab bhai bhai hai to khushiya bante raho aur sada muskurate raho :-)
No comments:
Post a Comment